💘 ગર્વિલો ગુજરાતી ❤

💕💕💕💕💠💠💠💠💠💠💠💠💠💕💕💕💕

સાચું ખોટું રમીએ છીએ,

ખાલી થાળી જમીએ છીએ.

ઠંડા શ્વાસો ભરીએ છીએ.

મન માંહે સમસમીએ છીએ.

ક્ષણ માંહે સળગીએ છીએ.

ધીમે ધીમે ઠરીએ છીએ.

ઘા લાગે તરફડીએ છીએ.

પણ મરવાથી ડરીએ છીએ.

કાચના ઘરમાં રહીએ છીએ.

રોજ અજમ્પો સહીએ છીએ.

કેવું કેવું જીવીએ છીએ.

હોઠને કેવા સીવીએ છીએ.

રોજ સરકતા સમયની સાથે,

કાળના મુખમાં સરીએ છીએ.

હર ઘટનામાં જન્મી જન્મી,

હર ઘટનામાં મરીએ છીએ.

       

🌿🌿🌿🌿🌴🌴🌴🌴🌴🌴🌴🌴🌴🌿🌿🌿🌿

ચંદ્ર ઝાંખો થાય છે, ‘રોકાઈજાવ’ !

હમણાં વાણું વાય છે, રોકાઈ જાવ !

એક ઘડીભર રાતની છે શી વિસાત ?

વર્ષો વીતી જાય છે, રોકાઈ જાવ !

અપશુકન છે રોકવામાં, શું કરું ?

મારું દિલ ગભરાય છે, રોકાઈ જાવ !

ચીબરી બોલી રહી છે આંગણે,

વનમાં ઘુવડ ગાય છે, રોકાઈ જાવ !

વાટમારુ છે નિરાશા માર્ગમાં –

કાફલા લૂંટાય છે, રોકાઈ જાવ !

હોઠ ઉપર છે ‘ખુદા હાફિઝ !’ છતાં

દિલમાં કૈં કૈં થાય છે, રોકાઈ જાવ !

આજ ‘સાબિર’ વારે વારે શું કહું ?

હોઠે આવી જાય છે, રોકાઈ જાવ !



💖💖💖💖💖💖💕💕💕💕💕💖💖💖💖💖💖

True poem

પથ્થર બને દેવતા, મસ્તક ત્યારે ઝૂકે છે,

પહોંચે છે ભક્ત કાશી, ચરણ  ત્યારે રુકે છે.

વસંત બને પાનખર, પાન પીળા પડે છે,

છેતરી જાય જુવાની,ચરણ ઢીલા પડે છે.

અઢળક દૌલત માં ચમકે ચાંદ-સિતારા છે,

કંગાલિયત માં બધેજ, ચંપાઇ આગ અંગારા છે.

દોડતાં આવે મિત્રો, જ્યારે ઝૂમે જાહોજલાલી છે,

પતન માં સાથીદારો બને સિર્ફ મદિરા ની પ્યાલી છે.

મંથન કરતા જીવન નો, અણસાર આવી જાય છે,

લાચાર ભરી આંખ માં, અશ્રુધાર આવી જાય છે.

ખુદા હોય મહેરબાન, તો સુખ સમણાં છે,

રહેશે સમય એકધારો, વાત એ ભર્મણાં મા છે.



🌾🌾🌾🌾🌾🌾🔹🔹🔹🔹🔹🌾🌾🌾🌾🌾🌾

ગુંજીરે  ગુંજીને  મુજમાં  ખૂટ્યો રે કલરવ  ,

લલેડાની જીભે પેઠો મૌનનો પગરવ .

જીજીવિષા કૂવે બેસી ઉલેચે  આયખાને ,

કીકીયુંના ગરણે વળગ્યો છે તારો કેકારવ.

અથડાઈને રોક્યું  એણે મારુ આવવું ,

પોપચાં એ રોકી રાખ્યો નીરનો પ્રસરવ .

બાજરીના ફોતરે સહુ મનેચ્છા વેરાણી,

તીખીરે ખાંડણિયે મારો ખંડાણો ગુંજારવ .

શબ્દોના સરવાળા અંતે પૂછી રહ્યા  ''કૃતિ''ને,  

બોલકણો ખૂણો અંતે જડ્યો  કેમ આમ નીરવ  ? ? 

કૃતિ ૧૨.૧૨.૨૦૧૬

💜💛💛💜💛💛💜💛💛💛💜💛💛💜💛💛💜

★★  જાએ છે મટકું.  ★★

શ્યામ તારું યાદ આવે લટકું,

આંખ  ભૂલી જાએ  છે મટકું.

કદમ્બનું  જ્યાં વૃક્ષ આવે 'ને

સાવ  અનાયાસે   હું   અટકું.

સમાજની તો વાત ભૂલી જા,

આંખમાં કણાની જેમ ખટકું!!

કાનાના ખેલ ન  સમજે કોઈ,

ભારે જબરું છે છેલનું છટકું!!

છે મુરલીધર હૈયામાં સદાયે,

શાને  ગોકુલ-વૃંદાવન  ભટકું!!

૧૫-૦૩-'૧૭.    વીરેન્દ્ર ભટ્ટ..

💘💘💠💘💘💠💘💘💠💘💘💠💘💘💠💘💘

ઘવાયાં છે જેટલાં, એ શબ્દ સઘળાં ગવાયાં છે,

કોઈ ગીત કોઈ બની ગઝલ સઘળાં છપાયાં છે..!!  

ગમે તેમ કહો, શબ્દ એ હૈયાં કેરી ઉર્મિ હોય છે,

છંદ રદીફ કાફિયાનાં માપીયે સઘળાં મપાયાં છે..!!

જાણે જવાળા મુખીના લાવા સમ ઉકળે છે શબ્દ,

સાચું કહું ? હરએક હૈયે સઘળાં લપાયાં છે શબ્દ..!!

“અમો”

😍😍😍😍😍😍😍😍😍😍😍😍😍😍😍😍😍

મારી નજરને થામતી તારી નજર મળે,

કે પ્રીતને મારી એવી મોહક અસર મળે.

કાગળ લખું હું જોજે ના એની લિખાવટ,

ના પત્ર લખવાની છે એવી કોઇ ફાવટ,

તું દિલ સીધુ વાંચજે અવસર અગર મળે,

કે પ્રીતને મારી એવી મોહક અસર મળે.

ના થાકશે આ હાથ મારા કોઇ દિ' આમ,

કે હાંકતી નૈયા રહું હું તો સતત શ્યામ,

સાજન થઇને જો મને તુ હમસફર મળે,

કે પ્રીતને મારી એવી મોહક અસર મળે.

ના ઢોળતી મારી તરસ આ એટલે રણમાં ,

મેં ખાળી રાખ્યા અશ્રુ સઘળા પાંપણમાં,

કે શ્વાસ મારા મ્હેંકતા ને તરબતર મળે,

કે પ્રીતને મારી એવી મોહક અસર મળે.

-લતા ભટ્ટ.

🌾🌾🌾🌾🌿🌿🌿🌿🌿🌿🌿🌿🌿🌾🌾🌾🌾

તારા ટહુકા મારા કાળજે કોતરાવું

લાવ વાલમનો સંદેશો મોતીએ વધાવું.

વિજોગણ હું સૂહાગણ છતા કેમ ભુલાવું

પરદેશમાં વસ્યો વાલમ કેમ કરી તેડાવું?

કાળજડે લાગે રોજ નવા ડામ શીદને દેખાડું?

આંખ્યુંના ખુટયાં નીર કોરી આંખો કયાં છુપાડું?

વાલમ જ બન્યો મારા દલડાનો વૈરી કેમ સમજાવું,

વરસોના વાણા વીત્યાં થઈ બંજર કેમ કરી સંભળાવું?

"કાજલ" શીલા બની વાટ માં ખોડાઇએ કેમ જતાવું.

શ્ર્વાસોની દોર હવે તુટશે આશ ને ધીરજ કેમની બંધાવું.

"કાજલ"

કિરણ પિયુષ શાહ

07/03/172

🙏🙏🙏🙏🙏🙏🙏🙏🙏🙏🙏🙏🙏🙏🙏🙏🙏