ગર્વિલો ગુજરાતી

💕💝💕💝💕💝💕💝💕💝💕💝💕💝💕💝💕

સોલંકી દીપક "રહીશ"

*મુક્તક*

મારી જાત સાથે ખીલવાડ ના કરો
મને બંધક બનાવી મારધાડ ના કરો

મરણ પણ આવી ગયુ છે મારુ
ભાઈ ખોટી ચિંતા કે દોડાદોડ ના કરો

*રહીશ*
_____________________________________________

વાત હથેળીની નથી તારા વિચારોની છે
ભાગ્યની રેખા જોવા હાથ લંબાવે છે
*રહીશ*
_____________________________________________

દિલને પણ ખોટું લાગે છે મિત્ર વગર
જીવન પણ સુનું લાગે છે મિત્ર વગર

હાથમાં હાથ નાખી ગામ ખોળી નાખ્યા
મરણ પણ તૂરું લાગે છે મિત્ર વગર

રહીશ
_____________________________________________

માતૃભાષા એક નિમિતે લગ્ન ગીત

રાગ - (સોના ઇંઢોણી રૂપા બેડલા)


સોનાનું સાસરુને રુપાનું પિયરીયું
સોનાના સાસરામાં બેની મારા હાલ્યા સાસરીયે

દાદાને છોડીને માતાને છોડી
નાનેરા વિરાને છોડી બેની મારા હાલ્યા સાસરીયે

સાસુના સંગાથે ને સસરા સંગાથે
પીયુની પડખે બેસી બેની મારા હાલ્યા સાસરીયે

અઢળક વાતોને અધુરીસે રાતો
નવા રે સપનાની સાથે બેની મારા હાલ્યા સાસરીયે

રોશે મારી બેનુને રોશે મારી સખીઓ
જેઠાણી ને દેરાણી સંગે બેની મારા હાલ્યા સાસરીયે

યાદોની ભીંતો છોડી છોડી મારી ડેલી
હળવે હળવે પગલે બેની મારા હાલ્યા સાસરીયે

પિતા મારા શંભુને માતા મારી પારવતી
છોડીને જાવું પડસે બેની મારા હાલ્યા સાસરીયે

બેનીનો વીરો કોની હારે રમશે
વિરાની યાદો સાથે બેની મારા હાલ્યા સાસરીયે

*રહીશ*
_____________________________________________

હું પણ ચાહું તુજ ને ભાષા
સૌથી પ્યારી મારી માતૃભાષા
રહીશ
_____________________________________________

"મરીઝ"ની મહેરબાનીથી લખાય છે ગઝલ
'રહીશ' તારી વાતુની થોડી થાય છે ગઝલ

રહીશ
_____________________________________________

સહિયારી ગઝલ

*કિશોર મોદી*
*દીપક સોલંકી "રહીશ"*

*કિશોર મોદી*
ભીતરે ઘસામણ *છે તો શું કરું ?*
રોજનું રમખાણ *છે તો શું કરું ?*

*દીપક "રહીશ"*
જાત મારી પાષાણ *છે તો શું કરું ?*
વાત તારી તિર-બાણ *છે તો શું કરું ?*

કિશોર મોદી
શબ્દ જેવો હું સરળ રહું તે છતાં
અહીં ક્ષણેક્ષણ આણ છે તો શું કરું ?

દીપક "રહીશ"
જૂઠી કરી નાખી તે મારી દરેક વાત
તારામા તો છાણ છે તો શું કરું ?

કિશોર મોદી
હું સતત દીવાલ સામે જોઈ રહું
પ્રશ્નનું કમઠાણ છે તો શું કરું ?

દીપક "રહીશ"
વળતા ઉત્તરની વાત જોઈ રહ્યો છું
મારી વાતની ખેચતાણ છે તો શું કરું ?

કિશોર મોદી
એમતો વણકર રહ્યો હું જાતનો
આ તળાવે તાણ છે તો શું કરું ?

દીપક "રહીશ"
ભૂલી ગયો હું મારી જાત કે શું હતી?
મારી જાત પાષાણ છે તો શું કરું ?

કિશોર મોદી
રસ્તે આ "કિશોર" દોડાતું નથી
સ્વપ્ન કચ્ચરઘાણ છે તો શું કરું ?

દીપક "રહીશ"
જીવન હવે જીવાતું નથી "રહીશ"
જીવન ગઢપણ થી બાળપણ છે તો શું કરું ?
_____________________________________________

લગા લગા લગા લગા

દવા ભલે હતી દવા
હવા નથી રહી હવા

મને ન કયો કઈ હવે
કરો,કહો ન બોલવા

પ્રભો નથી હવે તમે
હવે ન બોલ આગવા

દિવો જલે હવે ડિલે
'રહીશ' બોલતો દવા

*રહીશ*

પ્રભો - ઈશ્વર
ડિલે - શરીરે
_____________________________________________

*મુક્તક*

ભલે ને તમે બોવ સારા બનો છો
પછી તોજ તો એમ મારા બનો છો

નથી કોઇને બોલવાનો ઇરાદો
પુછી જો તમે તો અમારા બનો છો

*રહીશ*
_____________________________________________

છે કોઈ એવો "દીપક" જલ્યા વગર રહી શકે?
હા આવો! મને બુઝાવી જુઓ , હું "રહીશ"

*દીપક "રહીશ"*
_____________________________________________

ઝાંઝવા ને પણ ખબર ન હતી કે હું ઉડી જઈશ?
એ પર્ણ તું મને આટલા જ સંગે મને મૂકી દઈશ?

#રહીશ
#દ્વિધા
_____________________________________________

ક્યારેક હું મોત ને ભેટું તો તું શું કરે
બસ હું પણ એક કફન ઓઢી લઉ

#રહીશ
#દ્વિધા
_____________________________________________

એક વૃક્ષની મિત્રતાએ વેલને સહારો આપ્યો
પર્ણ પણ ખર્યા ધરતીએ પણ સહારો આપ્યો
ધોમધખતા તડકામાં ચાલ્યા આવતા ડોશી
વૃક્ષના છાંયડાયે ડોશીને સહારો આપ્યો

રહીશ
_____________________________________________

મોજ મસ્તી અને મહેરબાની
આગ ક્યાં જાવ છે દિવા ની..

રહીશ
_____________________________________________

*માણસ માણસ ન થઇ શક્યો*


ઈર્ષ્યા ઝેરની વાતો કરીને
ક્યારેક શબ્દ એવા બોલે
સંબંધો એક મિનિટે તોડે ધાર જેવા શબ્દ થી
માણસ માણસ ન થઇ શક્યો
ભૂલી ગયો છે ઈશની પ્રાર્થના સાંજે
બબ્બે વાગ્યા સુધી પાર્ટીમાં આખી રાત કાઢી
સંસ્કૃતિને વિકૃતિમાં કાઢી નાખી
હવે માણસ માણસ ન થઇ શક્યો
બે રોટલી માટે દર દર ભટકે
નોકરી ની ને છોકરીની વાત તમારી
સંસ્કાર તો છોડો તેનો છાંટો પણ ન રહ્યો
માણસ માણસ ન થઇ શક્યો
નશાની હાલતમાં રખડે આખી રાતું
માતપિતાની બગાડે જાત્યુ
ગાળો તો પળવારમાં બોલી કાઢે
ઝાપટ તો દર વખતે મારે
માણસ માણસ ન થઇ શક્યો
હવે વધારે થાય છે "રહીશ"
બીજું તો શું આ બધી કરમની કઠણાઈ
માણસ માણસ ન થઇ શક્યો
ભાઈ માણસ માણસ ન થઇ શક્યો.

*રહીશ*
_____________________________________________

લગાગા લગાગા લગાગા લગાગા
સાવ જૂદા હવે થી

ખુદાથી અમે સાવ જૂદા હવે થી
રુ ના પૂમડાં સાવ જૂદા હવે થી

પુછો તો ખરા કોક એવા સવાલો
જવાબો થશે સાવ જૂદા હવે થી

અનામી હવે નામ થોડા ન રાખે
અજ્ઞાની છું તો સાવ જૂદા હવે થી

કિનારો નદીથી જુદો થાય એમાં
શું પાણી પણ થશે સાવ જૂદા હવે થી?

બુમો પાડમાં કોઈ ના આવશે જી
અવાજો થયા સાવ જૂદા હવે થી

*રહીશ*
_____________________________________________

દિવો જલે હવે ડિલે
'રહીશ' બોલતો દવા

રહીશ

ડિલે - શરીરે
_____________________________________________

લગાગા લગાગા લગાગા લગાગા

સબંધો ભલે તોડવાની કરો છો
હવે કેમ ભેગા થવાની કરો છો

મિત્ર નીતી આવી ન ખોટી રખાઈ
પછી તોજ જોડાવવાની કરો છો

ભુલો તો બહૂ થાય છે આ કટાણે
પછી કેમ છીપાવવાની કરો છો

દીપક "રહીશ"
_____________________________________________

કદર કરવા વાળા જ કદર આ નિર્દોષની કરે છે
બાકી તો બીજા પોતાની જાત પર ઘમંડ કરે છે

રહીશ
_____________________________________________

Deepak Rahish

સમય ની સાથે વાતો કરતા સમય વળી બદલાય છે
સમયની આ વાતો કરી વળી સમય ખોટો બગાડે છે

પામ્યો તુજને એજ સમયે સમય વળી હરખાય છે
પામ્યા વગરની વાતો કરી સમય ખોટો બગાડે છે

તુજ મિલનની શોભિત ઘડી હૈયું વળી હરખાય છે
વિદાયની વેળા ધરીને સમય ખોટો બગાડે છે

નથી જાન મડદાં માં એ જોઈ "રહીશ" ઘેલો થાય છે
સગાઓ ની વાત જોઈ સમય ખોટો બગાડે છે.

દીપક સોલંકી "રહીશ"

👆👌👆👌👆👌👆👌👆👌👆👌👆👌👆👌👆