ગર્વિલો ગુજરાતી

🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾

ઘરના
મુખ્ય પ્રવેશદ્વારના ઓટલે
બેઠો હતો એક કવિ
કવિતા ઠોલતો ઠોલતો
બારણું ખૂલ્લું મૂકીને....
એક ખસુરિયું કૂતરું
દબાતા પગે અને પૂંછડીએ
ખૂલ્લા બારણેથી ઘૂસ્યું
ઘર ફંફોસવા.....
પછી
વીલાં મોઢે અને
ઉપહાસભરી નજરે
કવિને જોતુંજોતું
આવ્યું બહાર. .....
કવિ કહે -
"કાં મળ્યું કંઈ ?????
આપઘાત કરે ઊંદર
અને ગળાફાંસો ખાતાં માંજર અહીં
હું અમસ્તો બેઠો હોઈશ બહાર !!!!!"
અને
કૂતરું
દયાભરી નજર નાખી
ચાલ્યું ગયું બારોબાર.
- મુકેશ દવે

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

આપણે એક સાથે શ્વાસોચ્છ્વાસ જીવ્યાં તે છતાં,
એકબીજાની પ્રતીક્ષા આપણી વચ્ચે હતી.
આપણે તો સાવ ઝાકળમાં પલળવાનું હતું,
ક્યાં સમન્દરની તમન્ના આપણી વચ્ચે હતી ?

- ખલિલ ધનતેજવી

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

પ્રેમ એટલે કે,
સાવ ખુલ્લી આંખોથી થતો મળવાનો વાયદો.
સ્વપ્નમાં પળાય એવો કાયદો…
પ્રેમ એટલે કે,
તારા ગાલોના ખાડામાં ડૂબી જતા મારા ચોર્યાશી લાખ વહાણોનો કાફલો ...

- મુકુલ ચોક્સી

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

જામી ગયેલા સંબંધો ઉપર, બાઝી ગયેલ સમયની ધૂળને હળવેકથી ફૂંક મારી સમયસર ઉડાડવી, તેનુ નામ ``વેલ ઇન ટાઇમ ડે..!!!.''
કેમ બધું આજે નવું લાગે છે ?
કોઇ હૈયામાં ગયું લાગે છે.

    - ગૌરાંગ ઠાકર

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

શું "જતું"કરવું
       અને
શું "જાતે"કરવું
  એ જો સમજાઇ જાય
       તો સ્વગઁ અહીંજ છે....
।। સુપ્રભાતમ્ ....
🌷જય શ્રીકૃષ્ણ..।।🌷

💮💮💮💮💮💮💮💮💮💮💮💮💮💮💮💮💮

વાયદા તો સાત ફેરા નાં પણ અધૂરા રહે છે...
.
ને દુનિયા ને આજના દિવસ પર ભરોસો છે...!!!!!
લ્યો અમારા પ્રેમને પીંછું કહી દો,
એ ન ફાવે તો કશું બીજું કહી દો.
શક્ય છે હું વૃક્ષ માફક જાઉં ખીલી,
જો તમે કાંઈક લીલું લીલું કહી દો.

- અનિલ ચાવડા

🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁

આમ છંદોલયની પણ શાયદ ખબર પડશે તને,
એક અક્ષર પણ કરી જો રદ, ખબર પડશે તને.

લટ ઘટા ઘનઘોર ચહેરા પર વિખેરી નાખ તું,
પોષ સુદ પૂનમ કે શ્રાવણ વદ ખબર પડશે તને.

તું પ્રથમ તારો જ માહિતગાર થઇ જા, એ પછી,
બાઇબલ, કુરઆન, ઉપનિષદ ખબર પડશે તને.

ભરબપોરે તું કદી માપી જો તારો છાંયડો,
કેટલું ઊંચું છે તારું કદ ખબર પડશે તને.

ઓળખી લે, બંને બાજુથી રણકતા ઢોલને,
આપણામાં કોણ છે નારદ ખબર પડશે તને.

તું ખલીલ અજવાળું પૂરું થાય ત્યાં અટકી જજે,
ક્યાંથી લાગી મારા ઘરની હદ ખબર પડશે તને.

– ખલીલ ધનતેજવી

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

મને મારી ભાષા ગમે છે કારણ બાને હું બા કહી શકું છું.

‘મમ્મી’ બોલતાં તો હું શીખ્યો છેક પાંચમા ધોરણમાં.

તે દિવસે ખૂબ રોફથી વાઘ માર્યો હોય એમ મેં ‘મમ્મી’ કહીને બૂમ પાડેલી.

બા ત્યારે સહેજ હસેલી - કારણ બા એક સાદો પોસ્ટકાર્ડ પણ માંડ માંડ લખી શકતી.

બા સર્વિસ કરવા ક્યારેય ગઈ નહોતી અને રાત્રે પાર્ટીમાં ગઈ હોય એવું યાદ પણ નથી.

બા નવી નવી ‘ડિશ’ શીખવા ‘cooking class’માં ગઈ નહોતી છતાં ઇંગ્લિશ નામ ખડક્યા વગર એ થાળીમાં જે મૂકતી તે બધું જ અમૃત બની જતું.

મને મારી ભાષા ગમે છે,

કારણ મને મારી બા ગમે છે.

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

ઝાકળ ઘણું પડે ને ખબર પણ પડે નહીં
આખું ચમન રડે ને ખબર  પણ પડે નહીં

મારી જ ઊતરડાય ત્વચા, શું કરું કહો !
મારા જ નખ વડે ને ખબર પણ પડે નહીં

માને છે સહુ એમ કે મસ્તક છે હેમખેમ
આ ધડ અલગ લડેને ખબર પણ પડે નહીં

જાગું હું  આખી  રાત ઉજાસોની શોધમાં
સૂરજ જરી ચડે ને ખબર પણ પડે નહીં

આખુંય  ઘર  ઉડીને  કબુતર  બની ગયું
એકાંત ફડફડે ને ખબર પણ પડે નહીં

🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺