“💘ગર્વિલો ગુજરાતી❤”

ખટપટો

ખટપટો આમ તો સૌ શાંત થાતી જાય છે
ખુદા ખલકત હવે મારી લૂંટાતી જાય   છે.

હવા પણ જોર દઇ ફેંકી રહી ભીનાશને
હતી જે વાયરામાં તરસ માતી જાય છે.

અહિં ગુનેગાર હું, હું ફરિયાદી ને સરકાર હું,
અગનની લહેરખી જો વીંટળાતી જાય છે...

કરે યારો દુઆ તો કદાચ સચવાયે જરા,
બનાવી જે હતી આલમ પીખાતી જાય છે.

મને ભય ઓ ખુદા આ લોકની નાદાનતા!!!
વિવશતા જો સમજદારી ટૂંકાતી જાય છે!

અનંત મટી જવાં તો મોકલ્યો છે એમણે,
સુરાવલિ બ્રહ્મની જો સંભળાતી જાય છે!!